Xəbərlər

Gənc müəllimlərlə görüş keçirilib

19 Noyabr 2024 Şərh yoxdu

Azərbaycan Dövlət Pedaqoji Universitetinin Ağcabədi filialında gənc müəllimlərlə görüş keçirilib 

Görüşdə filialın direktoru dosent Mobil Məcidov yeni tədris ilinin başlaması münasibəti ilə müəllimləri təbrik edib onlara uğurlar arzulayıb. 

Mobil Məcidov müəllimlərin stimullaşdırılması, peşəkarlığının artırılması və müəllim nüfuzunun yüksəldilməsi istiqamətində məqsədyönlü işlərin uğurla aparıldığını, filial üzrə vakant olan müəllim yerlərinin ixtisaslı kadrlarla təmin olunduğunu vurğulayıb. Bildirib ki gənclərin pedaqoji fəaliyyətə başlaması həmin Universitetdə yaradılmış yüksək təhsil şəraitinin nəticəsidir.

Mobil Məcidov  fəaliyyətə başlayan gənc kadrları təbrik edərək onlara  şərəfli müəllim peşəsində uğurlar arzulamış və əmin olduğunu bildirmişdir ki, yeni işə qəbul edilən gənclər respublika gəncliyinə göstərilən qayğıya cavab olaraq hərtərəfli biliyə, geniş dünyagörüşünə yiyələnən, xalqını və Vətənini sevən nəsilin yetişdirilməsində səy göstərəcək, üzərlərinə düşən vəzifələri layiqincə yerinə yetirəcəklər.

Tədbirdə gənc müəllimlər də çıxış edərək fəaliyyətləri haqqında danışıb və onlara göstərilən diqqət üçün təşəkkürlərini bildiriblər.

Xəbərlər

Şəhid məzunlarımızın ailələri ziyarət olunub

07 Noyabr 2024 Şərh yoxdu
Noyabrın 7-də ADPU-nun Ağcabədi filialının rəhbərliyi 44 günlük Vətən müharibəsində şəhidlik zirvəsinə ucalan məzunlarımızdan  Zərdab rayonunun Hüseynxanlı kəndində yaşayan baş leytenant Abbasov Ağaqardaş İlham oğlunun  və Bərdə rayonu Təhlə kəndində yaşayan Məmmədli Namiq Ağaməmməd oğlunun ailələrini ziyarət ediblər.
Onlar şəhid məzunların valideynləri ilə söhbət edib. Bildirib ki, universitet müntəzəm olaraq ADPU-nun qəhrəman məzunlarının ailələri ilə sıx təmas saxlayır, şəhidlərimizin xatirələri dərin ehtiramla yad edilir və bu hər zaman da belə olacaqdır.
Şəhid valideynləri onlara göstərilən diqqətə görə razılıqlarını bildiriblər və övladlarının vaxtı ilə təhsil aldığı ADPU-nun Ağcabədi filialını və onun böyük kollektivini özlərinə doğma bildiklərini deyiblər.
Görüş zamanı şəhidlərimizin məzarları ziyarət olunub  önünə gül dəstələri qoyulub.
Tədbirlər

“Müasir təlimdə inteqrativlik və onun təşkili yolları” mövzusunda təlim

29 Oktyabr 2024 Şərh yoxdu

24 oktyabr 2024-cü il tarixdə ADPU-nun Ağcabədi filialında “Pedaqogika, psixologiya və onların tədrisi texnologiyası” kafedrasının təşkilatçılığı ilə “İbtidai sinif müəllimliyi” ixtisası üzrə təhsil alan tələbələr üçün “Dillər, ədəbiyyat və onların tədrisi texnologiyası” kafedrasının b/m  Sevinc  Məhərrəmova tərəfindən “Müasir təlimdə inteqrativlik və onun təşkili yolları” mövzusunda sonuncu təlim keçirilib.

Xəbərlər

“Yaşıl dünya naminə həmrəylik ili” çərçivəsində ətraf mühitin sağlamlaşdırılması üçün aksiya keçirilib

29 Oktyabr 2024 Şərh yoxdu

29 oktyabr 2024-cü il tarixdə ADPU-nun Ağcabədi filialının “İctimai, təbiət fənləri və onların tədrisi texnologiyası” kafedrasının təşkilatçılığı ilə Ağcabədi rayonu ərazisində yerləşən HEYDƏR ƏLİYEV parkında “Yaşıl dünya naminə həmrəylik ili” çərçivəsində ətraf mühitin sağlamlaşdırılması üçün aksiya keçirilib və tələbələr arasında ekoloji maarifləndirmə işləri də aparılıb. Başlıca məqsədi ətraf mühitin sağlamlaşdırılması, yaşıllıqların bərpası və artırılmasıdır. Filialın bir qrup tələbələri aksiyada  böyük həvəslə iştirak ediblər. Aksiya çərçivəsində müxtəlif ərazilərdə və yol kənarlarında təmizlik işləri aparılıb, ağacların dibləri bellənib, suvarılıb, yaşıllığa qulluq göstərilib, yeni gül kolları əkilib, səliqə-sahman yaradılıb. “İctimai, təbiət fənləri və onların tədrisi texnologiyası” kafedrasının müdiri, dosent Baxış Ələsgərov qeyd edib ki, “Azərbaycan beynəlxalq ictimaiyyətin etibarlı tərəfdaşı kimi qlobal problemlərin həllində daim aktiv rol oynayır, o cümlədən iqlim dəyişmələrinin fəsadlarına qarşı mübarizəyə öz töhfəsini verir. BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının – COP 29-un 2024-cü ildə Azərbaycanda keçirilməsi haqqında qəbul edilən qərar çox mühüm tarixi hadisədir. Bu mötəbər tədbirə Azərbaycanın ev sahibliyi etməsi möhtərəm Prezidentimiz cənab İlham Əliyevin böyük qələbələrindən biridir. Bütün dünya ölkələri tərəfindən qəbul edilən bu qərar ölkəmizə göstərilən böyük etimadın və inamın növbəti bariz nümunəsidir. Möhtərəm Prezidentimiz tərəfindən 2024-cü ilin Azərbaycanda “Yaşıl dünya naminə həmrəylik ili”nin elan olunması isə ölkəmizin bu istiqamətdə apardığı işlərə daha da təkan verəcəkdir.

Xəbərlər

“Fənlərarası inteqrasiya” mövzusunda təlim start götürüb.

25 Oktyabr 2024 Şərh yoxdu
18 oktyabr 2024-cü il tarixdə ADPU-nun Ağcabədi filialında “Pedaqogika, psixologiya və onların tədrisi texnologiyası” kafedrasının təşkilatçılığı ilə “İbtidai sinif müəllimliyi” ixtisası üzrə təhsil alan tələbələr üçün “Fənlərarası inteqrasiya” mövzusunda təlim start götürüb.
 Təlimi giriş sözü ilə açan “Pedaqogika, psixologiya və onların tədrisi texnologiyası” kafedrasının müdiri, p.ü.f.d.,b/m, Tahir Kərimli bildirib ki, bu gün Azərbaycan xalqı üçün əlamətdar bir gün 18 oktyabr müstəqilliyimizin bərpasının 33 -cü ildönümüdür. Əvvəlcə Ümummilli Lider Heydər Əliyevin və torpaqlarımızın suverenliyi uğrunda canlarını qurban vermiş şəhidlərin xatirəsi bir dəqiqəlik sükutla yad edilib. 
Sonra Dövlət himni səsləndirilib. Daha sonra Tahir Kərimli təlimin mahiyyəti haqqında iştirakçılara məlumat verib: Bu gün müasir təhsilin qarşısında duran əsas vəzifələrdən biri  gəncləri sosial-mədəni və mənəvi müxtəlifliklə dolu həyata hazırlamaqdır. Tədris prosesində yalnız kompleks yanaşma bu vəzifənin həyata keçirilməsinə  kömək edə bilər ki, bu da tələbələrin mövcud biliklərinin genişləndirilməsini  təmin edir. Bununla da onların idrak fəaliyyətini və təhsil prosesinin subyekti kimi inkişafını stimullaşdırır. Şagirdlərin tətbiqetmə və tədqiqat fəaliyyətini təşkil etmək üçün inteqrasiya olunmuş dərslərin keçirilməsi məqsədəuyğundur. 
Təlimçi: “Pedaqogika, psixologiya onların tədrisi texnologiyası” kafedrasının b/m  Sevil Cəfərova təlimin vacibliyindən danışıb. Müasir cəmiyyət məktəblər qarşısında təhsilin humanistləşdirilməsi tələbini qoyur. Təhsilin məzmununun müasirləşdirilməsi, tədris metod və vasitələrinin yenilənməsi yeni pedaqoji axtarışların əsasını təşkil edir. İnteqrasiya olunmuş dərslər şagirdlərin potensialını inkişaf etdirir, şagirdi ətrafdakı reallığı anlamağa səy göstərməyə, təfəkkür məntiqini və kommunikativ səriştələri inkişaf etdirməyə sövq edir. 
Təlimin sonunda tələbələri maraqlandıran suallar cavablandırılıb.
Xəbərlər

“Fənlərarası inteqrasiya” mövzusunda təlim start götürüb.

25 Oktyabr 2024 Şərh yoxdu
18 oktyabr 2024-cü il tarixdə ADPU-nun Ağcabədi filialında “Pedaqogika, psixologiya və onların tədrisi texnologiyası” kafedrasının təşkilatçılığı ilə “İbtidai sinif müəllimliyi” ixtisası üzrə təhsil alan tələbələr üçün “Fənlərarası inteqrasiya” mövzusunda təlim start götürüb.
 Təlimi giriş sözü ilə açan “Pedaqogika, psixologiya və onların tədrisi texnologiyası” kafedrasının müdiri, p.ü.f.d.,b/m, Tahir Kərimli bildirib ki, bu gün Azərbaycan xalqı üçün əlamətdar bir gün 18 oktyabr müstəqilliyimizin bərpasının 33 -cü ildönümüdür. Əvvəlcə Ümummilli Lider Heydər Əliyevin və torpaqlarımızın suverenliyi uğrunda canlarını qurban vermiş şəhidlərin xatirəsi bir dəqiqəlik sükutla yad edilib. 
Sonra Dövlət himni səsləndirilib. Daha sonra Tahir Kərimli təlimin mahiyyəti haqqında iştirakçılara məlumat verib: Bu gün müasir təhsilin qarşısında duran əsas vəzifələrdən biri  gəncləri sosial-mədəni və mənəvi müxtəlifliklə dolu həyata hazırlamaqdır. Tədris prosesində yalnız kompleks yanaşma bu vəzifənin həyata keçirilməsinə  kömək edə bilər ki, bu da tələbələrin mövcud biliklərinin genişləndirilməsini  təmin edir. Bununla da onların idrak fəaliyyətini və təhsil prosesinin subyekti kimi inkişafını stimullaşdırır. Şagirdlərin tətbiqetmə və tədqiqat fəaliyyətini təşkil etmək üçün inteqrasiya olunmuş dərslərin keçirilməsi məqsədəuyğundur. 
Təlimçi: “Pedaqogika, psixologiya onların tədrisi texnologiyası” kafedrasının b/m  Sevil Cəfərova təlimin vacibliyindən danışıb. Müasir cəmiyyət məktəblər qarşısında təhsilin humanistləşdirilməsi tələbini qoyur. Təhsilin məzmununun müasirləşdirilməsi, tədris metod və vasitələrinin yenilənməsi yeni pedaqoji axtarışların əsasını təşkil edir. İnteqrasiya olunmuş dərslər şagirdlərin potensialını inkişaf etdirir, şagirdi ətrafdakı reallığı anlamağa səy göstərməyə, təfəkkür məntiqini və kommunikativ səriştələri inkişaf etdirməyə sövq edir. 

Təlimin sonunda tələbələri maraqlandıran suallar cavablandırılıb.

Xəbərlər

Fənlərarası inteqrasiya mövzusunda keçirilən təlim

21 Oktyabr 2024 Şərh yoxdu
21.10.2024-cü il tarixdə ADPU-nun Ağcabədi filialında “Pedaqogika, psixologiya və onların tədrisi texnologiyası” kafedrasının təşkilatçılığı ilə  İbtidai sinif müəllimliyi ixtisası üzrə təhsil alan tələbələr üçün Fənlərarası inteqrasiya mövzusunda keçirilən təlimin növbəti mərhələsi baş tutub. 
Təlimi giriş sözü ilə açan “Pedaqogika, psixologiya və onların tədrisi texnologiyası” kafedrasının müdiri, p.ü.f.d.,b/m Tahir Kərimli bildirib ki müasir Təhsil sistemin İKT-siz təsəvvür etmək qeyri mümkündür. Ona görədə hər bir tələbəmiz müasir təlim texnologiyalarından istifadə etməyi bacarmalıdır. 
Təlimçi ” Riyaziyyat, informatika və onların tədrisi texnologiyası” kafedrasının müəllimi Səbuhi Quliyev İKT-nin vacibliyindən danışarıq, müasir təhsil platforması olan MOODLE LMS haqqında məlumat verib. 
Təlimin gedişi zamanı müxtəlif sertifikatların, reklamların, CV lərin hazırlanması üçün istifadə olunan Canva proqramı, Süni intellekt sistemləri haqqında, 3D printer, Mbot təhsil robortu, 5E və 7E modelləri haqqında məlumat verilmişdir. 
Sonda isə tələbələri maraqlandıran suallar cavablandırılmışdır.
Tədbirlər

“Əbədi və sarsılmaz müstəqillik” mövzusunda tədbir

18 Oktyabr 2024 Şərh yoxdu

18 oktyabr 2024-cü il tarixində ADPU-Ağcabədi filialında   Azərbaycan Dövlət  Müstəqilliyinin Bərpasının 33-cü ildönümü münasibətilə  “Əbədi və sarsılmaz müstəqillik”  mövzusunda tədbir keçirilib.

Əvvəlcə Ümummilli Lider Heydər Əliyevin və torpaqlarımızın suverenliyi uğrunda canlarını qurban vermiş şəhidlərin xatirəsi bir dəqiqəlik sükutla yad edilib. Sonra Dövlət himni səsləndirilib.

Tədbiri giriş sözü ilə açan filialın Tərbiyə işləri üzrə direktor müavini, dosent  Mahir Səlimov  Ulu Öndərin xalqın istəyi ilə Azərbaycana qayıdışı və müstəqilliyimizin təhlükə altına düşməsinin qarşısını alması, xalqımız üçün misilsiz xidmətlər göstərməsi barədə danışıb. Dosent Mahir Səlimov vurğulayıb ki, Ulu Öndər tərəfindən qorunub saxlanılan müstəqilliyimiz bu gün Prezident İlham Əliyevin rəhbərliyi ilə daha da möhkəmləndirilir və onun əbədiliyi təmin edilir.

Mövzu ətrafında çıxışlar dinlənildi: 

Tədris və elmi işlər üzrə direktor müavini dosent Seymur Süleymanov,  “Riyaziyyat, informatika, fizika və onların tədrisi texnologiyası” kafedrasının müdiri, dosent Sahib Zeynalov və “İctimai təbiət fənləri və onların tədrisi texnologiyası” kafedrasının t.ü.f.d.,b/m. Anar Kərimli vaxtilə Ulu Öndər Heydər Əliyev tərəfindən qorunub saxlanılan müstəqilliyimizin, Ulu Öndərin ən layiqli davamçısı İlham Əliyev tərəfindən davam etdirilməsindən, onun rəhbərliyi ilə müstəqilliyimizin əbədiliyinin təmin edilməsindən, Azərbaycan xalqının həyat səviyyəsinin daha da yaxşılaşdırılmasından, sabahını daha firavan etmək məqsədi daşımasından danışıblar. 

Sonda “Müstəqilliyin Bərpası Günü” mövzusunda videoçarx nümayiş olunub.

Xəbərlər

Heydər Əliyev Mərkəzi ziyarət edilib

17 Oktyabr 2024 Şərh yoxdu
Azərbaycan Dövlət Pedaqoji Universiteti Ağcabədi filialının Tələbə Gənclər təşkilatı (TGT) nəzdində fəaliyyət göstərən “Tarix və Vətənpərvərlik” klubunun təşkilatçılığı ilə filialın bir qrup tələbəsi Ağcabədi rayon Heydər Əliyev Mərkəzini ziyarət ediblər. Onlar Ulu Öndər Heydər Əliyevin zəngin irsi ilə tanış olublar, onun ölkə üçün əvəzsiz xidmətlərini daha dərindən anlamaq imkanı əldə ediblər. 
Sonda tələbələr Ulu Öndərin həyat və fəaliyyətini əks etdirən eksponat, fotoşəkil və kitablarla tanış olmuşlar.
1 2 3 4 5 … 10