Author: admin

ADPU-nun Ağcabədi filialında möhtəşəm kitab sərgi-yarmarkası keçirilib

23 aprel 2026-cı il tarixində Azərbaycan Dövlət Pedaqoji Universitetinin (ADPU) Ağcabədi filialında “Ümumdünya Kitab və Müəlliflik Hüququ Günü” münasibətilə tədbir təşkil olunmuşdur.

ADPU-nun Ağcabədi filialı və  “Bərdə Kitab Evi”nin birgə əməkdaşlığı çərçivəsində reallaşan sərgi-yarmarkada müxtəlif janrlarda elmi, bədii və pedaqoji ədəbiyyat nümunələri nümayiş etdirilmişdir.

Sərgi iştirakçılar tərəfindən böyük maraqla qarşılanmış, gənclərin kitab əlçatanlığı təmin edilmişdir.

Azərbaycan Dövlət Pedaqoji Universitetinin (ADPU) Ağcabədi filialı ilə ümumtəhsil məktəbləri arasında əməkdaşlıq çərçivəsində növbəti maarifləndirici tədbir baş tutub.
Filialın “Pedaqogika, psixologiya və onların tədrisi texnologiyası” kafedrasının müdiri, p.ü.f.d., baş müəllim Tahir Kərimli, Tədrisin idarə olunması şöbəsinin müdiri Şəbnəm Abbasova, kafedranın müəllimi Sevinc Mirzəyeva və “Təhsildə sosial-psixoloji xidmət” ixtisasının III tədris ili tələbələri Ağcabədi şəhəri C. İbrahimov adına 8 saylı tam orta məktəbdə seminar keçiriblər.
Görüş məktəbin 7-11-ci sinif şagirdləri və müəllim heyətinin iştirakı ilə aşağıdakı aktual mövzulara həsr olunub:
“Məktəb mühitində görünməyən duyğuları görünür etmək”: Şagirdlərin emosional vəziyyəti, özünüifadə və daxili narahatlıqların idarə olunması.
Qarşılıqlı münasibətlərin tənzimlənməsi: Müəllim-şagird və şagird-şagird münasibətlərində sağlam ünsiyyət etikası.
İnklüziv təhsilin əhəmiyyəti: Xüsusi qayğıya ehtiyacı olan uşaqların cəmiyyətə inteqrasiyası və təhsil mühitində bərabərlik prinsipləri.
Tədbirdə çıxış edən mütəxəssislər müasir təhsil sistemində psixoloji xidmətin rolundan bəhs edərək, məktəblilərin mənəvi-psixoloji inkişafının dərslərə adaptasiya prosesinə təsirini vurğulayıblar. Tələbələr öz növbəsində gələcək mütəxəssis kimi mövzu ilə bağlı interaktiv müzakirələr aparıb, şagirdləri maraqlandıran sualları cavablandırıblar.

20 aprel 2026-cı il tarixdə ADPU-nun Ağcabədi filialında 2025/2026-cı tədris ili üçün Elmi Şuranın növbəti iclası keçirilib.

ADPU-nun Ağcabədi filialında “Hər kəs üçün bərabər dünya” mövzusunda maarifləndirici tədbir keçirilib
16 aprel 2026-cı il tarixində Azərbaycan Dövlət Pedaqoji Universitetinin Ağcabədi filialında inklüzivlik məsələlərinə həsr olunmuş “Hər kəs üçün bərabər dünya” mövzusunda maarifləndirici tədbir təşkil olunub.
Tədbiri giriş sözü ilə açan filialın tərbiyə işləri üzrə direktor müavini, dosent Mahir Səlimov qonaqları salamlayaraq mövzunun əhəmiyyətini diqqətə çatdırıb.
Mərasimdə ilk olaraq Müasir Azərbaycan dövlətinin qurucusu, Ulu Öndər Heydər Əliyevin və Vətənimizin azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Dosent Mahir Səlimov çıxışında inklüziv təhsilin cəmiyyətdə bərabər imkanların təmin edilməsindəki strateji rolunu vurğulayıb. Daha sonra “Tədrisin idarə olunması şöbəsi”nin müdiri, “Pedaqogika, psixologiya və onların tədrisi texnologiyası” kafedrasının müəllimi Şəbnəm Abbasova İnklüziv mühitin formalaşdırılması: Cəmiyyətin hər bir üzvü üçün maneəsiz mühitin yaradılması. Empatiya bacarıqları: Əlilliyi olan şəxslərlə düzgün ünsiyyət və onlara qarşı həssas yanaşmanın inkişaf etdirilməsi. Ehtiyacların müəyyənləşdirilməsi: Xüsusi qayğıya ehtiyacı olan insanların tələbatlarının düzgün analizi və qarşılanması mövzularında geniş məruzə edib.
Tədbirin praktiki hissəsində tələbələrdə empatiya hissini gücləndirmək məqsədilə müxtəlif psixoloji eksperimentlər aparılıb və mövzuya uyğun maarifləndirici videoçarxlar nümayiş etdirilib.
Tədbir sual-cavab sessiyası və interaktiv müzakirələrlə davam edib. İştirakçıları maraqlandıran suallar cavablandırılıb, mövzu ətrafında geniş fikir mübadiləsi aparılıb.

ADPU-Ağcabədi filialında “Əlaçı” tələbələrin valideynlərinə ünvanlanmış Təşəkkürnamələr təqdim olunub 🎓✨
ADPU-nun Ağcabədi filialının direktoru, dosent Mobil Məcidov tərəfindən 2025/2026-cı tədris ilinin payız semestrinin imtahan sessiyasında yüksək nailiyyətlər əldə edərək “əlaçı” adını qazanan tələbələrin valideynlərinə ünvanlanmış TƏŞƏKKÜRNAMƏLƏR təqdim edilib.
Direktor Mobil Məcidov yüksək bilik nümayiş etdirən tələbələrin uğurunda ailənin rolunu xüsusi vurğulayaraq, savadlı və intizamlı gənclər yetişdirdikləri üçün valideynlərə dərin minnətdarlığını bildirib.
🌟 Bütün tələbələrimizə dərslərində uğurlar, valideynlərinə isə övladlarının nailiyyətləri ilə qürur duymağı arzu edirik!

14 aprel 2026-cı il tarixində Azərbaycan Dövlət Pedaqoji Universitetinin Ağcabədi filialında Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev və milli-mənəvi dəyərlərimiz” mövzusunda tədbir keçirilmişdir.
Tədbir filialın tərbiyə işləri üzrə direktor müavini, dosent Mahir Səlimovun giriş sözü ilə açıq elan olunmuşdur. Əvvəlcə Ümummilli Lider Heydər Əliyevin və Vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilmiş, ardından Azərbaycan Respublikasının Dövlət Himni səsləndirilmişdir.
Çıxışlarda Heydər Əliyevin Azərbaycan dövlətçiliyinin möhkəmləndirilməsində, milli-mənəvi dəyərlərin qorunub saxlanılmasında və gənclərin vətənpərvərlik ruhunda tərbiyə olunmasında misilsiz xidmətlərindən geniş bəhs edilmişdir.
Tədbir çərçivəsində tələbələr tərəfindən mövzu ətrafında çıxışlar dinlənilmiş, fikir mübadiləsi aparılmış və Ümummilli Liderin zəngin irsinin gələcək nəsillərə çatdırılmasının vacibliyi vurğulanmışdır.
Sonda “Heydər Əliyev – dəyərlərimizin xilaskarı” adlı videoçarx izlənilmişdir.

ADPU Ağcabədi Filialından Nümunəvi Addım: Tələbələr Sığınacaq Sakinlərini Ziyarət Edib ✨
Tələbələrin yüksək humanizm duyğusu və Universitet rəhbərliyinin hərtərəfli dəstəyi bir araya gələrək, daha bir xeyirxah missiyanın gerçəkləşməsinə vəsilə olub.
11 aprel 2026-cı il tarixində Azərbaycan Dövlət Pedaqoji Universitetinin (ADPU) Ağcabədi filialının Tələbə Elmi Cəmiyyətinin (TEC) təşkilatçılığı ilə filialın müəllim və tələbə heyəti “Mehriban Qadın və Uşaq Sığınacağı”na ziyarət təşkil ediblər.
Ziyarətin əsas məqsədi sığınacaqda məskunlaşan uşaqlara tək olmadıqlarını hiss etdirmək, onlara mənəvi dayaq olmaq və cəmiyyətin bir parçası olduqlarını xatırlatmaqdır. ADPU-nun gənc pedaqoq namizədləri bu təşəbbüslə təkcə nəzəri biliklərlə deyil, həm də yüksək empatiya və sosial məsuliyyət hissi ilə silahlandıqlarını nümayiş etdiriblər. Görüş çərçivəsində tələbələr uşaqlarla müxtəlif oyunlar oynamış, onlarla maarifləndirici söhbətlər aparmış və kiçik hədiyyələrlə onların sevincinə ortaq olmuşlar.

“Gələcəyin müəllimi təkcə təhsil verən deyil, həm də cəmiyyətin yaralarına məlhəm olmağı bacaran bir şəxsiyyətdir.”

04.04.2026-cı il tarixdə ADPU-nun Ağcabədi filialının “Fizika, riyaziyyat, informatika və onların tədrisi texnologiyası” kafedrasının müəllimi Quliyev Səbuhi Vaqif oğlu “Microsoft Certified Educator” (MCE) sertifikasiya proqramında 786 bal toplayaraq beynəlxalq sertifikat əldə etmişdir.

Səbuhi Quliyev Ölkə üzrə yerli təhsilverənlərin müxtəlif səviyyələrdə innovativ texnologiya və metodikaların təhsildə tətbiqi üzrə 30 saatlıq təlim proqramramını bitirmişdir.

Qeyd edək ki, Proqramı bitirən təhsilverənlər sadəcə pedaqoji istiqamətdə deyil müxtəlif standartlarda mərkəzləşmiş və təhsilverənlər üçün vacib olan 6+İKT istiqamətləri üzrə qiymətləndirilmişlər.

“Effektiv pedaqoq olmaq üçün İKT-dən istifadə”, “İnformasiya kommunikasiyası vasitələrindən istifadə”, “Real dünya problemlərinin həlli və innovasiya”, “Özünütənzimləmə”, “Biliyin qurulması”, “Təhsilalanla əməkdaşlıq” və “Bacarıqlı ünsiyyət” modulları üzrə yüksək nəticə göstərmiş müəllimlər “Microsoft Certified Educator” sertifikatına layiq görülmüşlər.

03 aprel 2026-cı il tarixində Azərbaycan Dövlət Pedaqoji Universitetinin Ağcabədi filialında “Sağlam gənclik naminə narkomaniyaya yox deyək!” mövzusunda maarifləndirici tədbir keçirilmişdir.

Tədbirdə Ağcabədi Rayon Polis Şöbəsinin rəis müavini, polis polkovnik-leytenantı Elmir Dəmirçiyev iştirak etmiş, narkomaniyanın fəsadları, bu cinayət növünə qarşı aparılan mübarizə tədbirləri və vətəndaşların maarifləndirilməsinin əhəmiyyəti barədə ətraflı məlumat vermişdir.

Tədbir iştirakçıların sualları ətrafında aparılan müzakirələrlə davam etmişdir.

31.03.2026-cı il tarixində ADPU-nun Ağcabədi filialında 31 Mart – Azərbaycanlıların soyqırımının 108-ci ildönümünə həsr edilmiş “31 Mart – Azərbaycanlıların Soyqırımı:

Tarixin unudulmayan faciəsi” mövzusunda anım tədbiri keçirilib.