22 may 2026-cı il tarixdə Azərbaycan Dövlət Pedaqoji Universitetinin (ADPU) Ağcabədi filialında xalq şairi Səməd Vurğunun 120 illik yubileyinə həsr olunmuş şeir və inşa müsabiqələrinin qaliblərinin və iştirakçılarının mükafatlandırılması mərasimi baş tutub. Müsabiqədə yer tutan və fərqlənən tələbələrə Rövşən Abdulla oğlunun imzası ilə ədibin qiymətli kitablarından ibarət hədiyyələr təqdim olunub.
Tədbir çərçivəsində, həmçinin müsabiqələrin yüksək səviyyədə təşkil olunmasında xidmətləri olan “Dillər, ədəbiyyat və onların tədrisi texnologiyası” kafedrasının müəllimləri Tərlan Əliyeva və Maya Abdullayeva da rəsmi sertifikatlarla təltif ediliblər.
