ADPU-nun Ağcabədi filialının “Tarix müəllimliyi” ixtisasının IIl tədris ilinin tələbəsi Qənbər Ağayev 05-08 Dekabr 2024-cü il tarixlərində Gürcüstanın Kutaisi şəhərində keçirilən Alpaqut döyüş sənəti üzrə Dünya kuboku (18-35) yaş (60-65) kq -da Caymaz sistemi üzrə bütün rəqiblərinə qalib gələrək fəxri kürsünün ən yüksək pilləsində yer alıb. O iki Türkvə bir Gürcü idmançılarına qalib gələrək 1-ci yerə layiq görülüb.
Qeyd edək ki, Qənbər Ağayev Alpaqut Turan Döyüş sənəti üzrə 4 qat Dünya çempionu, 6 qat Respublika çempionu, 2 dəfə Prezident Kubokunun sahibi, 2 dəfə dünya kubokunun sahibi, Avrasiya çempionu və bunlarla yanaşı Alpaqut turan türk döyüş sənəti üzrə İdman ustalığına namizəd və Məşqçi adına layiq görülüb.
05 dekabr 2024-cü il tarixdə ADPU-nun Ağcabədi filialında “Dillər, ədəbiyyat və onların tədrisi texnologiyası” kafedrasının təşkilatçılığı ilə Dahi Azərbaycan şairi Məhəmməd Füzulinin anadan olmasının 530 illiyinə həsr edilmiş “Söz mülkünün sultanı” mövzusunda Elmi-praktik konfrans keçirilib.
Dekabrın 2-də Azərbaycan Dövlət Pedaqoji Universitetinin Ağcabədi filialında “Pedaqogika, psixologiya və onların tədrisi texnologiyası“ kafedrasının müəllimi Sevinc Mirzəyevanın təşkilatçılığı ilə “03 Dekabr- Beynəlxalq Əlilliyi olan şəxslər günü” münasibəti ilə “İnklüziv Təhsil Bərabərhüquqlu Cəmiyyətin Təməlidir” mövzusunda tədbir keçirilib. Tədbirdə Azərbaycan Dövlət Pedaqoji Universitetinin Ağcabədi filialının professor-müəllim heyəti, əlilliyi olan uşaqlar və onlara xidmət göstərən Gənclər üçün Təhsil Mərkəzi Qarabağ Regional ofisinin əməkdaşları və tələbələr iştirak ediblər.
Əvvəlcə Ümummilli Lider Heydər Əliyevin və torpaqlarımızın suverenliyi uğrunda canlarını qurban vermiş şəhidlərin xatirəsi bir dəqiqəlik sükutla yad edilib. Sonra Dövlət himni səsləndirilib.
Tədbiri giriş sözü ilə açan filialın “Pedaqogika, psixologiya və onların tədrisi texnologiyası” kafedrasının müdiri p.ü.f.d., b\m, Tahir Kərimli tədbir iştirakçılarını salamlayaraq tədbirin əhəmiyyətindən danışıb. İnklüziv, bərabərhüquqlu cəmiyyətin yaranması üçün inklüziv təhsilin önəmini xüsusi vurğulayıb.
Daha sonra videoçarx nümayiş etdirilib.
Mövzu ətrafında çıxışlar dinlənilib: Gənclər üçün Təhsil Mərkəzi Qarabağ Regional ofisinin əməkdaşı Bayramzadə Kəmalə, “İctimai, təbiət fənləri və onların tədrisi texnologiyası“ kafedrasının müdiri dos. Baxış Ələsgərov, “İctimai, təbiət fənləri və onların tədrisi texnologiyası“ kafedrasının t.ü.f.d., b\m. Anar Kərimli, Cəmiyyətimizdə inklüziv təhsilin yeri və rolu, İnklüziv təhsilin gələcək prespektivləri kimi mövzular ilə bağlı ətraflı çıxış ediblər.
Mövzu ilə bağlı videoçarx nümayiş etdirilib.
Eyni zamanda GTM Qarabağ ofisinin könüllüləri və Azərbaycan Dövlət Pedaqoji Universitetinin Ağcabədi filialının tələbələri tərəfindən əlilliyi olan uşaqlara 5 bacarığın inkişafı ilə əlaqədar olaraq oyunlar, praktiki məşğələlər keçirilib. Uşaqlar əyləncəli fəaliyyətlərə qoşularaq əylənərək öyrəniblər.
Sonra isə “İnklüziv Təhsil və Uşaq İnkişaf” mərkəzindən tədbirimizdə iştirak edən gül balalarımızın hazırladıqları rəqsə tamaşa edilib. Sonda Gül balalarımıza hədiyyələr təqdim olunub.
Tədbirdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə, xüsusi təyinatlı texnikalar, xilasetmə alət və avadanlıqlarının istifadə qaydaları, taktiki-texniki göstəriciləri barədə ətraflı məlumat verilib. FHN-in “112” qaynar telefon xəttinin təyinatı izah olunub, sularda təhlükəsizliklə bağlı məsələlər diqqətə çatdırılıb və ilkin yanğınsöndürmə vasitələrindən istifadə qaydaları əyani şəkildə nümayiş etdirilib. Tədbir zamanı suallar ətraflı cavablandırılıb.
21.11.2024-cü il tarixdə ADPU-nun Ağcabədi filialında Yeni Azərbaycan Partiyasının yaranmasının 32-ci ildönümünə həsr olunmuş “Heydər Əliyevin Dövlətçilik fəlsəfəsində yeni Azərbaycan Partiyasının yeri və rolu” mövzusunda tədbir keçirilib.
6 noyabr 2024-cü il tarixdə ADPU-nun Ağcabədi filialında Zəfər günü münasibətilə “Mənim Azərbaycanım, adına zəfər yaraşır” mövzusunda elmi-praktik konfrans keçirildi.
Konfrans öz işinə başlamazdan öncə filialın direktoru başda olmaqla bir qrup əməkdaşın iştirakı ilə Ulu Öndər Heydər Əliyevin müqəddəs ruhu anıldı və xatirə büstünün qarşısına tər qərənfillər qoyuldu. Sonra Şəhidlər Xiyananında əbədiyyət yuxusuna dalmış vətən oğullarının əziz xatirəsi anıldı.
Anım mərasimi bitdikdən sonra xalqımızın Zəfər gününə həsr olunmuş elmi-praktik konfrans öz işinə başladı. Konfransda filialın professor-müəllim heyəti və Pedaqoji fakültənin tələbələri iştirak edirdi.
Əvvəlcə torpaqlarımızın ərazi bütövlüyü uğrunda canından keçmiş şəhidlərimizin müqəddəs ruhları sükutla yad edildi. Sonra Dövlət Himni səsləndirildi.
Konfransı giriş sözü ilə açan filialın direktoru, dosent Mobil Məcidov Azərbaycan xalqının tarixinə qızıl hərflərlə yazılan Zəfər günü haqqında fəxarət hissilə danışdı. Xalqımızın milli qürur günü kimi qeyd etdiyi zəfərin asanlıqla əldə edilmədiyini vurğulayan Mobil Məcidov bizlərə bu şanlı günü bəxş edən Azərbaycan Ordusu və onun Ali Baş Komandanı cənab İlham Əliyevə minnətdarlığını ifadə etdi. Sonra məruzələr dinlənildi.
“44 günlük Vətən müharibəsindəki qələbə xalqımızın tarixi zəfəridir” mövzusunda filialın “İctimai, təbiət fənləri və onların tədrisi texnologiyası” kafedrasının dosenti Məhəmməd Hüseynov və “Azərbaycan ordusu şanlı qələbəmizin təminatçısıdır” mövzusunda filialın tədris və elmi işlər üzrə direktor müavini, dosent Seymur Süleymanov məruzə etdilər.
Məruzəçilər sonda xalqımıza Zəfər sevincini yaşadan Ali Baş Komandana və onun yenilməz ordusuna cansağlığı və bu uğurda canından keçmiş şəhidlərimizə Allahdan rəhmət dilədilər.
Sonra məruzələr ətrafında çıxışlar dinlənildi.
Filialın “Riyaziyyat, informatika və onların tədrisi texnologiyası” kafedrasının müdiri, dosent Sahib Zeynalov; “Pedaqogika, psixologiya və onların tədrisi texnologiyası” kafedrasının baş müəllimi, tarix üzrə fəlsəfə doktoru Əlizadə Nəcəfov, kafedranın gənc müəllimlərindən Sevinc Mirzəyeva, Məhəmməd Əzimov, Şəbnəm Abbasova; “İctimai, təbiət fənləri və onların tədrisi texnologiyası” kafedrasının müdiri, dosent Baxış Ələsgərov, kafedranın baş müəllimi, tarix üzrə fəlsəfə doktoru Anar Kərimli, müəllimlərdən Səbuhi Səfərov; “Dillər, ədəbiyyat və onların tədrisi texnologiyası” kafedrasının baş müəllimi Fəridə Mikayılova; Pedaqoji fakültənin tələbələrindən Vüsalə Baxışova, Gülsanə Bayramzadə, Aysun Şıxaliyeva, Röyal Əliyev və başqalarının nitqində səslənən ümumi bir qayə ondan ibarət oldu ki, Zəfər Günü təsadüfi qələbənin nəticəsi deyil. Ölkə başçısı İlham Əliyev başda olmaqla Azərbaycan dövləti öz gücünü ortaya qoydu və 44 gün ərzində bütün dünyaya bəyan etdi ki, Azərbaycan torpaqlarını öz gücü hesabına azad etdi.
Çıxışlardan sonra bir qrup tələbənin ifasında “Xudayar təsnifi” səsləndirildi.
Konfransın işini yekun sözü ilə bağlayan dosent Mobil Məcidov yüksək təşkilatçılığa görə konfransın təşkilat komitəsinin üzvlərinə və xüsusilə bu işdə gərgin əməyi olan filialın“İctimai, təbiət fənləri və onların tədrisi texnologiyası” kafedrasının müdiri, dosent Baxış Ələsgərova dərin təşəkkürünü bildirdi.
Təxminən iki saatdan davam edən konfrans xalqımızın Zəfər salnaməsini tarixə yazan igid oğullarımızın qanı, canı bahasına əldə edilən ərazi bütövlüyümüzün göz bəbəyitək qorunacağına sədaqət andı ilə başa çatdı.
Azərbaycan Dövlət Pedaqoji Universitetinin Ağcabədi filialında gənc müəllimlərlə görüş keçirilib
Görüşdə filialın direktoru dosent Mobil Məcidov yeni tədris ilinin başlaması münasibəti ilə müəllimləri təbrik edib onlara uğurlar arzulayıb.
Mobil Məcidov müəllimlərin stimullaşdırılması, peşəkarlığının artırılması və müəllim nüfuzunun yüksəldilməsi istiqamətində məqsədyönlü işlərin uğurla aparıldığını, filial üzrə vakant olan müəllim yerlərinin ixtisaslı kadrlarla təmin olunduğunu vurğulayıb. Bildirib ki gənclərin pedaqoji fəaliyyətə başlaması həmin Universitetdə yaradılmış yüksək təhsil şəraitinin nəticəsidir.
Mobil Məcidov fəaliyyətə başlayan gənc kadrları təbrik edərək onlara şərəfli müəllim peşəsində uğurlar arzulamış və əmin olduğunu bildirmişdir ki, yeni işə qəbul edilən gənclər respublika gəncliyinə göstərilən qayğıya cavab olaraq hərtərəfli biliyə, geniş dünyagörüşünə yiyələnən, xalqını və Vətənini sevən nəsilin yetişdirilməsində səy göstərəcək, üzərlərinə düşən vəzifələri layiqincə yerinə yetirəcəklər.
Tədbirdə gənc müəllimlər də çıxış edərək fəaliyyətləri haqqında danışıb və onlara göstərilən diqqət üçün təşəkkürlərini bildiriblər.
