Author: admin

Azərbaycan Dövlət Pedaqoji Universitetinin Ağcabədi filialının “Dillər, ədəbiyyat və onların tədrisi texnologiyası” kafedrasının müəllimi Nərmin Maqsudova beynəlxalq səviyyədə tanınan TESOL (Teaching English to Speakers of Other Languages) sertifikatını uğurla əldə edib.

Qeyd edək ki, TESOL beynəlxalq qüvvəyə malik mühüm sənəddir. Başqa dillərdə danışanlara ingilis dilini öyrətmək mənasını verən bu sertifikat dünyanın istənilən yerində ingilis dilini öyrədə biləcəyinizi göstərir. TESOL ölkəmizdə də Təhsil Nazirliyi tərəfindən tanınan sertifikatdır.

ADPU-nun Ağcabədi filialında sahibkarlıq yönümlü layihə təqdim olunub.

21 oktyabr 2025-ci il tarixində ADPU-nun Ağcabədi filialında “Sahibkarlıq subyektləri üçün gənc bacarıqların səfərbər edilməsi proqramı” layihəsi çərçivəsində tədbir keçirilib.

Layihə rəhbəri Radə Qafarova proqramın məqsədi və əhəmiyyəti barədə məlumat verib. Bildirilib ki, layihə region gənclərinin bilik və bacarıqlarını artıraraq onları sahibkarlıq və əmək bazarına hazırlamaq məqsədi daşıyır.

Çıxış edən rəsmi şəxslər və sahibkarlar layihənin məşğulluğun artırılması baxımından əhəmiyyətini vurğulayıblar. Tədbirin sonunda iştirakçıların sualları cavablandırılıb.

Layihə KOBİA-nın qrant müsabiqəsi çərçivəsində maliyyələşdirilir.

17.10.2025-ci il tarixdə ADPU-nun Ağcabədi filialında Konstitusiya və Suverenlik ili çərçivəsində 18 oktyabr Azərbaycanın Dövlət Müstəqilliyinin bərpasının 34-cü ildönümü münasibətilə “Milli iradənin zəfəri- Müstəqilliyin bərpası günü” mövzusunda tədbir keçirilib.

16 oktyabr 2025-ci il tarixində ADPU-nun Ağcabədi filialında Elmi Şura üzvlüyünə seçkilər keçirilib.

14.10.2025-ci il tarixdə Azərbaycan Dövlət Pedaqoji Universiteti Ağcabədi filialıTələbə Gənclər Təşkilatının nəzdində fəaliyyət göstərən “İntellektual oyunlar”klubunun təşkilatçılığı ilə 18 Oktyabr – “Müstəqillik Günü”-nə həsr olunmuş “Zəfər və Zəka” adlı intellektual yarış keçirilib.

13.10.2025-ci il tarixdə Azərbaycan Dövlət Pedaqoji Universitetinin Ağcabədi filialında Elm və Təhsil Nazirliyinin tabeliyində Təhsil Tələbə Krediti fondu tərəfindən təhsil tələbə krediti barədə məlumatlılıq səviyyəsinin artırılması məqsədi ilə filialın tələbələri ilə maarifləndirici görüş keçirilib.

10 oktyabr 2025-ci il tarixində ADPU-nun Ağcabədi filialında Tələbə Elmi Cəmiyyətinin təşkilatçılığı ilə “Təhsildə sosial-psixoloji xidmət” ixtisası üzrə II tədris ilinin tələbəsi İlahə Həsənzadənin təqdimatında “Sənin Gücün Sənsən” adlı təlim keçirilib.
Təlimin məqsədi tələbələrin şəxsi və akademik inkişafına dəstək göstərmək, təşəbbüskarlıq və liderlik bacarıqlarını inkişaf etdirmək olub. Tədbirdə professor-müəllim heyəti və tələbələr fəal iştirak ediblər. Təlimin sonunda İlahə Həsənzadəyə təşəbbüskarlığına görə sertifikat və hədiyyə təqdim olunub.

10 oktyabr 2025-ci il tarixdə ADPU-nun Ağcabədi filialında Dillər, ədəbiyyat və onların tədrisi texnologiyası kafedrasının təşkilatçılığı ilə Bəxtiyar Vahabzadənin 100 illiyinə həsr olunmuş inşa-yazı müsabiqəsi keçirilib.