Archives

05 noyabr 2025-ci il tarixində ADPU-nun Ağcabədi filialında STEAM fənninin bütün ixtisaslara mərhələli şəkildə inteqrasiyasına dəstək məqsədilə “Tədrisin idarə olunması” şöbəsi və “Fizika, Riyaziyyat, İnformatika və onların tədrisi texnologiyası” kafedrasının birgə təşkilatçılığı ilə nümunə dərslərə start verilib.

Dərslər kafedranın müəllimi Quliyev Səbuhi Vaqif oğlu tərəfindən “Azərbaycan dili və ədəbiyyatı müəllimliyi” ixtisası üzrə AZD 2501B və “Xarici dil müəllimliyi” ixtisası üzrə XDM 2501B qruplarında təşkil olunub.

07.11.2025-ci il tarixdə ADPU-nun Ağcabədi filialında “İctimai, təbiət fənləri və onların tədrisi texnologiyası” kafedrasının müdiri, dosent Baxış Ələsgərovun 8 Noyabr – Zəfər Gününün 5 illiyinə həsr olunmuş “Zəfər Günü – qürur və şərəf tariximizdir” mövzusunda açıq dərsi keçirilib.

Azərbaycan Dövlət Pedaqoji Universitetinin Ağcabədi filialında Tələbə Gənclər Təşkilatının təşkilatçılığı ilə Zəfər Gününə həsr olunmuş voleybol yarışı keçirilib.

ADPU-nun Ağcabədi filialının Tələbə Gənclər Təşkilatı şəhid Cəmaləddin Məmmədovun ailəsini ziyarət edib.

Azərbaycan Dövlət Pedaqoji Universitetinin Ağcabədi filialının Tələbə Gənclər Təşkilatının nümayəndələri Vətən müharibəsi şəhidi Cəmaləddin Türbəndə oğlu Məmmədovun ailəsini ziyarət ediblər.
Cəmaləddin Məmmədov 21 aprel 1988-ci ildə Ağcabədi rayonunun Kürdlər kəndində anadan olub. Azərbaycan Ordusunun kiçik çavuşu olan Cəmaləddin Məmmədov 2020-ci il sentyabrın 27-də başlanan Vətən müharibəsi zamanı Cəbrayılın azadlığı uğrunda gedən döyüşlərdə qəhrəmancasına şəhid olub və doğulduğu Kürdlər kəndində dəfn edilib.
Şəhidimizin vətən qarşısındakı misilsiz xidmətləri dövlət tərəfindən yüksək qiymətləndirilib. Prezident İlham Əliyevin müvafiq sərəncamları ilə Cəmaləddin Məmmədov ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə” və “Şuşanın azad olunmasına görə” medalları ilə təltif edilib.

Ziyarət zamanı şəhidin ailəsinə dərin ehtiram ifadə olunub, onun göstərdiyi şücaət və fədakarlıq daim qürurla xatırlandığı vurğulanıb.

ALLAH RƏHMƏT ELƏSİN! 🇦🇿

ADPU-nun Ağcabədi filialında Tələbə Həmkarlar İttifaqı Komitəsinin yeni sədri, Qurban Fikrət oğlu Qurbanov THİK-in yeni üzvü seçilən tələbələrlə görüş keçirib. İclas zamanı komitənin qarşıda duran fəaliyyət planı, görüləcək işlər və cari məsələlər müzakirə olunub.

8 Noyabr – Zəfər Günü münasibətilə ADPU-nun Ağcabədi filialında Fizika, Riyaziyyat, İnformatika və onların tədrisi texnologiyası kafedrasının tələbələri üçün “Smart Math” adlı riyaziyyat yarışı təşkil olunub.

Azərbaycan Dövlət Pedaqoji Universitetinin Ağcabədi filialında Tələbə Gənclər Təşkilatının nəzdində fəaliyyət göstərən İntellektual Oyunlar Klubunun təşkilatçılığı ilə Zəfər Gününə həsr olunmuş “Zəfər Arenası” adlı intellektual yarış keçirilib.

Azərbaycan Dövlət Pedaqoji Universitetinin Ağcabədi filialında Tələbə Gənclər Təşkilatının təşkilatçılığı ilə Zəfər Gününə həsr olunmuş tələbə-gənclər arasında şahmat yarışı keçirilib.

ADPU-nun Ağcabədi filialında Halloween tədbiri keçirilib

31.10.2025-ci il tarixdə Azərbaycan Dövlət Pedaqoji Universitetinin Ağcabədi filialının “Dillər, ədəbiyyat və onların tədrisi texnologiyası” kafedrasının müəllimi Gülnar Bünyadzadənin təşkilatçılığı ilə maraqlı və əyləncəli Halloween tədbiri keçirilib.
Tədbirin əsas məqsədi tələbələrdə ingilis dilinə marağı artırmaq, onların yaradıcılıq və komanda bacarıqlarını inkişaf etdirmək, eyni zamanda fərqli mədəniyyətlər haqqında biliklərini genişləndirmək olub.
Tədbir çərçivəsində tələbələr tərəfindən “Guess the Monster” adlı interaktiv oyun, Halloween mövzusunda səhnəcik və mahnı ifası təqdim olunub. Səhnəcikdə dostluq, sədaqət və insan münasibətləri kimi mühüm dəyərlər ön plana çəkilib.
Tələbələrin böyük həvəslə hazırladıqları çıxışlar tədbirə xüsusi ruh və rəng qatıb.