30.10.2025-ci il tarixdə ADPU-nun Ağcabədi filialında “Bərdə Kitab Evi”-nin Sərgi-yarmarkası keçirilib.
ADPU-nun Ağcabədi filialında kibercinayətkarlıqla bağlı maarifləndirici tədbir
28.10.2025-ci il tarixdə ADPU-nun Ağcabədi filialında “Kibercinayətkarlıq: risklər və qorunma yolları” mövzusunda maarifləndirici tədbir keçirililib. Tədbirin məqsədi internet mühitində baş verən kibertəhlükələr, şəxsi məlumatların qorunması və bu sahədə mövcud risklər barədə tələbələri məlumatlandırmaq, onların rəqəmsal təhlükəsizlik bacarıqlarını artırmaq olmuşdur.
ADPU-nun Ağcabədi filialında Bəxtiyar Vahabzadənin 100 illik yubileyinə həsr olunmuş elmi-praktik konfrans keçirilib.
ADPU-nun Ağcabədi filialında Bəxtiyar Vahabzadənin 100 illik yubileyinə həsr olunmuş elmi-praktik konfrans keçirilib.
24 oktyabr 2025-ci il tarixində Azərbaycan Dövlət Pedaqoji Universitetinin Ağcabədi filialında “Dillər, ədəbiyyat və onların tədrisi texnologiyası” kafedrasının təşkilatçılığı ilə Xalq şairi, görkəmli ədib və ictimai xadim Bəxtiyar Vahabzadənin anadan olmasının 100 illik yubileyinə həsr olunmuş “Bəxtiyar Vahabzadə yaradıcılığında milli özünüdərkin bədii-fəlsəfi ifadəsi” mövzusunda elmi-praktik konfrans keçirilib.
Tədbir Dövlət Himninin səsləndirilməsi və Azərbaycanın müstəqilliyi uğrunda canlarını fəda etmiş şəhidlərin xatirəsinin bir dəqiqəlik sükutla yad olunması ilə başlayıb.
Konfransda filial rəhbərliyi, professor-müəllim heyəti, tələbələr və ədəbiyyatsevərlər iştirak ediblər. Filialın direktoru, dosent Mobil Məcidov açılış nitqi ilə çıxış edərək şairin ədəbi irsinin milli kimliyin formalaşmasındakı rolu və bugünkü nəsil üçün əhəmiyyətindən bəhs edib.
Plenar iclasda “Dillər, ədəbiyyat və onların tədrisi texnologiyası” kafedrasının müdiri, dosent Vaqif Allahverdiyev “Bəxtiyar Vahabzadənin yaradıcılığında fəlsəfi fikrin poetik ifadəsi”, kafedranın dosenti Sabir Məmmədov isə “Bəxtiyar Vahabzadənin yaradıcılığının bədii sənətkarlıq xüsusiyyətləri”mövzularında məruzələrlə çıxış ediblər.
Konfrans çərçivəsində tələbələr tərəfindən Bəxtiyar Vahabzadənin şeirləri səsləndirilib, onun həyat və yaradıcılığına həsr olunmuş videoçarx nümayiş olunub. Həmçinin öncədən keçirilmiş şeir və inşa müsabiqəsinin qaliblərinə diplomlar, digər iştirakçılara isə sertifikatlar təqdim olunub.
Sonda çıxış edənlər belə tədbirlərin gənclərin vətənpərvərlik ruhunda yetişməsinə töhfə verdiyini və bu cür elmi tədbirlərin davamlı olaraq keçirilməsinin vacibliyini vurğulayıblar.
Plenar iclasdan sonra konfrans öz işini bölmə iclasları ilə davam etdirib. Bölmə iclaslarında filialın müxtəlif kafedralarını təmsil edən 50-dək müəllim Bəxtiyar Vahabzadənin yaradıcılığına dair müxtəlif aspektləri əhatə edən məruzələrlə çıxış ediblər.
Nərmin Maqsudova TESOL sertifikatı əldə edib
Azərbaycan Dövlət Pedaqoji Universitetinin Ağcabədi filialının “Dillər, ədəbiyyat və onların tədrisi texnologiyası” kafedrasının müəllimi Nərmin Maqsudova beynəlxalq səviyyədə tanınan TESOL (Teaching English to Speakers of Other Languages) sertifikatını uğurla əldə edib.
Qeyd edək ki, TESOL beynəlxalq qüvvəyə malik mühüm sənəddir. Başqa dillərdə danışanlara ingilis dilini öyrətmək mənasını verən bu sertifikat dünyanın istənilən yerində ingilis dilini öyrədə biləcəyinizi göstərir. TESOL ölkəmizdə də Təhsil Nazirliyi tərəfindən tanınan sertifikatdır.
ADPU-nun Ağcabədi filialında sahibkarlıq yönümlü layihə təqdim olunub.
ADPU-nun Ağcabədi filialında sahibkarlıq yönümlü layihə təqdim olunub.
21 oktyabr 2025-ci il tarixində ADPU-nun Ağcabədi filialında “Sahibkarlıq subyektləri üçün gənc bacarıqların səfərbər edilməsi proqramı” layihəsi çərçivəsində tədbir keçirilib.
Layihə rəhbəri Radə Qafarova proqramın məqsədi və əhəmiyyəti barədə məlumat verib. Bildirilib ki, layihə region gənclərinin bilik və bacarıqlarını artıraraq onları sahibkarlıq və əmək bazarına hazırlamaq məqsədi daşıyır.
Çıxış edən rəsmi şəxslər və sahibkarlar layihənin məşğulluğun artırılması baxımından əhəmiyyətini vurğulayıblar. Tədbirin sonunda iştirakçıların sualları cavablandırılıb.
Layihə KOBİA-nın qrant müsabiqəsi çərçivəsində maliyyələşdirilir.
ADPU-nun Ağcabədi filialında Müstəqillik Gününə həsr olunmuş tədbir keçirilib
17.10.2025-ci il tarixdə ADPU-nun Ağcabədi filialında Konstitusiya və Suverenlik ili çərçivəsində 18 oktyabr Azərbaycanın Dövlət Müstəqilliyinin bərpasının 34-cü ildönümü münasibətilə “Milli iradənin zəfəri- Müstəqilliyin bərpası günü” mövzusunda tədbir keçirilib.
ADPU-nun Ağcabədi filialında Elmi Şura üzvlüyünə seçkilər keçirilib.
16 oktyabr 2025-ci il tarixində ADPU-nun Ağcabədi filialında Elmi Şura üzvlüyünə seçkilər keçirilib.
