Author: admin

30.11.2025-ci il tarixdə ADPU-nun Ağcabədi filialının “Dillər, ədəbiyyat və onların tədrisi texnologiyası” kafedrasının müəllimi Abdullayeva Maya Ağamirzə qızı “Microsoft Certified Educator” (MCE) sertifikasiya proqramında 786 bal toplayaraq beynəlxalq sertifikat əldə etmişdir.
Maya Abdullayeva Ölkə üzrə yerli təhsilverənlərin müxtəlif səviyyələrdə innovativ texnologiya və metodikaların təhsildə tətbiqi üzrə 30 saatlıq təlim proqramramını bitirmişdir.
Qeyd edək ki, Proqramı bitirən təhsilverənlər sadəcə pedaqoji istiqamətdə deyil müxtəlif standartlarda mərkəzləşmiş və təhsilverənlər üçün vacib olan 6+İKT istiqamətləri üzrə qiymətləndirilmişlər.
“Effektiv pedaqoq olmaq üçün İKT-dən istifadə”, “İnformasiya kommunikasiyası vasitələrindən istifadə”, “Real dünya problemlərinin həlli və innovasiya”, “Özünütənzimləmə”, “Biliyin qurulması”, “Təhsilalanla əməkdaşlıq” və “Bacarıqlı ünsiyyət” modulları üzrə yüksək nəticə göstərmiş müəllimlər “Microsoft Certified Educator” sertifikatına layiq görülmüşlər.

“Payız düşüncələri” adlı ədəbi-bədii tədbir keçirilib

26 noyabr 2025-ci il tarixində ADPU-nun Ağcabədi filialında “Dillər, ədəbiyyat və onların tədrisi texnologiyası” kafedrasının baş müəllimi Sevinc Məhərrəmovanın təşkilatçılığı ilə Azərbaycan dili və ədəbiyyatı müəllimliyi ixtisasının tələbələrinin iştirakı ilə “Payız düşüncələri” adlı tədbir keçirilib.

Tədbirdə tələbələr payız mövzusunda şeirlər səsləndirib, bədii çıxışlarla fəal iştirak ediblər. Məqsəd tələbələrdə ədəbi-estetik zövqün formalaşdırılması, yaradıcı düşüncə və təqdimetmə bacarıqlarının inkişaf etdirilməsidir.

25 noyabr 2025-ci il tarixində ADPU-nun Ağcabədi filialında Gənc Tədqiqatçılar Şurasının təşkilatçılığı ilə həyata keçirilən 4 həftəlik “Ustad dərsləri”nin ikinci mərhələsi keçirilib.
Bu mərhələdə “Dillər, ədəbiyyat və onların tədrisi texnologiyası” kafedrasının müdiri, dosent Vaqif Allahverdiyev “Nizami ədəbi məktəbinin davamçıları H.Təbrizi və M.Füzulinin yaradıcılığında Nizami ənənələri, ‘Leyli və Məcnun’ poemalarının fərqli cəhətləri” mövzusunda ustad dərsi təqdim edib.
Dərs zamanı tələbələr tərəfindən verilən suallar əsasında fikir mübadiləsi aparılıb, müzakirələr olub. Müəllimlərin də fəal iştirakı dərsin maraqlı və interaktiv keçməsinə şərait yaradıb.
✨ Məqsəd – gənc tədqiqatçıların ədəbi düşüncə, yaradıcılıq və təqdimetmə bacarıqlarının inkişaf etdirilməsidir.

17–24 noyabr 2025-ci il tarixlərində ADPU-nun Ağcabədi filialında Fizika, Riyaziyyat, İnformatika və onların tədrisi texnologiyası kafedrasının müəllimi Qurbanov Qurban tərəfindən “MOODLE platforması ilə tanışlıq, rəqəmsal bacarıqların təkmilləşdirilməsi” mövzusunda təlimlər keçirilib.

Təlimlər Tələbələrə akademik xidmət və məzunlarla iş şöbəsi və Tələbə Həmkarlar İttifaqı Komitəsinin birgə təşkilatçılığı ilə I tədris ilinin tələbələri üçün təşkil olunub. Məqsəd tələbələrin rəqəmsal mühitdə effektiv işləmə bacarıqlarını artırmaq və onlara MOODLE təhsil platformasından düzgün istifadə qaydalarını öyrətmək olub.

20 noyabr 2025-ci il tarixində Azərbaycan Dövlət Pedaqoji Universitetinin Ağcabədi filialında Gənc Tədqiqatçılar Şurasının təşkilatçılığı ilə 4 həftəlik “Ustad dərsləri” layihəsinə start verilib.

Layihə çərçivəsində keçirilən ilk dərs “Hafizə və onun prosesləri”, “Hafizə qanunları”, “Hafizənin patologiyası və möhkəmləndirilməsi” mövzularına həsr olunub. Dərs Pedaqogika, psixologiya və onların tədrisi texnologiyası kafedrasının müdiri, p.ü.f.d, b/m., Tahir Kərimli tərəfindən təqdim olunub.

Tahir müəllim hafizə ilə bağlı elmi əsaslara söykənən, eyni zamanda interaktiv formada dərs keçərək yaddaşın işləmə mexanizmləri, informasiyanın qavranması və yadda saxlanması prosesi haqqında tələbələrə geniş məlumat verib.

✨ Dərsin əsas məqsədi — gənc tədqiqatçıların elmi təfəkkürünü inkişaf etdirmək və tələbələrin nəzəri-praktiki bilik və bacarıqlarını artırmaqdır.