19 yanvar 2026-cı il tarixində ADPU-nun Ağcabədi filialında 20 Yanvar faciəsinin ildönümü münasibətilə anım tədbiri keçirilib.
“Müstəqil Azərbaycanın Konstitusiyasının müəllifi Ümummilli lider Heydər Əliyevin Hüquqi İrsi” layihəsinin açılış mərasimi keçirilib.
ADPU-nun Ağcabədi filialında Azərbaycan Respublikası Gənclər Fondunun “Konstitusiya və suverenlik ili” çərçivəsində keçirilən qrant müsabiqəsinin qalibi olmuş ADPU-nun Ağcabədi filialının Tələbə Gənclər Təşkilatının (TGT) sədri Fəxriyyə Cəfərlinin “Müstəqil Azərbaycanın Konstitusiyasının müəllifi Ümummilli lider Heydər Əliyevin Hüquqi İrsi” layihəsinin açılış mərasimi keçirilib.
Layihə Azərbaycan Respublikası Gənclər Fondunun maliyyə, Qarabağ Regional Gənclər və İdman İdarəsinin təşkilatı dəstəyi ilə keçirilir.
Açılış mərasimində iştirakçılara layihə rəhbəri Fəxriyyə Cəfərli layihə haqqında məlumatlar verərək layihənin əsas məqsədindən danışıb, filialın Tərbiyə işləri üzrə direktor müavini dosent Mahir Səlimov layihənin filialda keçirilməsinin faydalılığı haqqında fikirlərini bildirib.
Daha sonra Qarabağ Regional Gənclər və İdman İdarəsinin Gənclərlə İş sektorun müdiri Orxan Fəxrəddinov dövlətin gənclər üçün yaratdığı imkanlardan danışıb.
Sonda tədbir iştirakçılarının sualları cavablandırılıb və Ulu Öndər Heydər Əliyevin həyatını əks etdirən videoçarx nümayiş olunub.
31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə ADPU-nun Ağcabədi filialının direktoru dosent Mobil Məcidovun TƏBRİKİ
31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə ADPU-nun Ağcabədi filialının direktoru dosent Mobil Məcidovun TƏBRİKİ
Hörmətli müəllimlər və universitetimizin əməkdaşları, əziz tələbələr!
Sizi 31 Dekabr – Dünya Azərbaycanlılarının Həmrəyliyi Günü və qarşıdan gələn Yeni 2026-cı il münasibətilə səmimi qəlbdən təbrik edirəm!
Bu mənalı bayram ümummilli lider Heydər Əliyevin təşəbbüsü ilə qeyd olunmağa başlanmış və bu gün dünyanın müxtəlif guşələrində yaşayan milyonlarla soydaşımız üçün birlik, həmrəylik və milli mənsubiyyət hissinin təntənəsinə çevrilmişdir. Bu gün bizim həm də milli kimliyimizi, tarixi köklərimizi və Vətənə bağlılığımızı bir daha dərk etdiyimiz əlamətdar gündür.
Əziz kollektivi və tələbə ailəmizi təbrik edərək bildirmək istəyirəm ki, 2025-ci il ərzində filialımızda əldə etdiyimiz uğurlar, həyata keçirdiyimiz layihələr və görülən işlər məhz birgə əməkdaşlığımızın, səmərəli fəaliyyətimizin nəticəsidir. Bu münasibətlə hər birinizə təşəkkürümü bildirirəm.
Arzu edirəm ki, 2026-cı il Sizin üçün yeni ümidlər, möhkəm sağlamlıq, şəxsi və peşəkar həyatda uğurlar ili olsun. Gəlin birlikdə daha yüksək zirvələrə doğru irəliləyək, elmə, təhsilə və gənclərimizin inkişafına xidmət edən fəaliyyətimizi daha da gücləndirək.
Yeni ilinizi və Həmrəylik Gününüzü bir daha təbrik edir, hər birinizə firavanlıq, əmin-amanlıq və xoşbəxtlik arzulayıram!
Hörmətlə,
Mobil Məcidov
ADPU-nun Ağcabədi filialının direktoru
ADPU-nun Ağcabədi filialının tələbəsi təltif olunub.
25 dekabr 2025-ci il tarixində ADPU-nun Ağcabədi filialının Məktəbəqədər təhsil – ixtisası üzrə IV tədris ili tələbəsi, “Regional İnkişaf” İctimai Birliyinin (RİİB) Qarabağ regionu üzrə könüllülərinin koordinatoru Günay İsmayılova Azərbaycan Respublikası Prezidentin köməkçisi və Heydər Əliyev Fondunun icraçı drektoru Anar Ələkbərov tərəfindən “Regional İnkişaf” İctimai Birliyinin fəaliyyəyində il ərzində göstərdiyi səmərəli və aktiv fəaliyyyətinə görə təltif edilib.
Filial kollektivi adından tələbəmizi təbrik edir, gələcək fəaliyyətində uğurlar və nailiyyətlər arzu edirik.
“Humanitar və sosial elmlərin tədrisində yeni yanaşmalar, rəqəmsal alətlər və mentorluq proqramı” üzrə təlim keçirilib.
26 dekabr 2025-ci il tarixdə ADPU-nun Ağcabədi filialında Keyfiyyətin təminatı şöbəsi, “İctimai, təbiət fənləri və onların tədrisi texnologiyası” kafedrası və “Hüquq Dünyası” Hüquqi Təbliğat İctimai Birliyinin birgə təşkilatçılığı ilə “Humanitar və sosial elmlərin tədrisində yeni yanaşmalar, rəqəmsal alətlər və mentorluq proqramı” üzrə təlim keçirilib.
Təlimi ekspert-alim, AMEA – nın
Arxeologiya və Antropologiya
İnstitutunun şöbə müdiri, t.ü.f.d, dosent Müzəffər Hüseynov aparıb. Sonda təlimdə fəal iştirak edən bir qrup akademik heyət üzvünə sertifikat təqdim olunub.
Elmi Şuranın növbəti iclası keçirilib.
25 dekabr 2025-ci il tarixdə ADPU-nun Ağcabədi filialında 2025/2026-cı tədris ili üçün Elmi Şuranın növbəti iclası keçirilib. İclasda filialın Pedaqoji fakültəsinin “Tarix müəllimliyi” ixtisası üzrə IV tədris ili tələbəsi Qəmbər Ağayev təltif olunub. Qeyd edək ki, Qənbər Ağayev 4–7 dekabr 2025-ci il tarixlərində Türkiyənin Bursa şəhərində keçirilən Alpaqut Turan Türk Döyüş Sənəti üzrə 5-ci Dünya Çempionatında İran, Türkiyə və İraq təmsilçilərinə tam üstünlük göstərərək 5-ci dəfə Dünya Çempionu titulunu qazanmışdır. Filialın direktoru dosent Mobil Məcidov bu münasibətlə Q. Ağayevi Elmi Şura üzvləri adından təbrik etdi və bundan sonrakı fəaliyyətində yeni-yeni uğurlar arzuladı.
“Elmi araşdırma və Akademik yazı bacarıqları” mövzusunda təlim keçirilib.
25.12.2025-ci il tarixində ADPU-nun Ağcabədi filialında Gənc Tədqiqatçılar Şurasının təşkilatçılığı ilə “Dillər, ədəbiyyat və onların tədrisi texnologiyası” kafedrasının müəllimi Maya Abdullayeva tərəfindən “Elmi araşdırma və Akademik yazı bacarıqları” mövzusunda təlim keçirilib.
“Konstitusiya və Suverenlik” ilinə həsr olunmuş inşa-yazı müsabiqəsi keçirilib.
22 dekabr 2025-ci il tarixində ADPU-nun Ağcabədi filialında Tələbə Elmi Cəmiyyətinin təşkilatçılığı ilə “Konstitusiya və Suverenlik” ilinə həsr olunmuş inşa-yazı müsabiqəsi keçirilib. Müsabiqənin əsas məqsədi tələbələrdə konstitusiya hüquqları, dövlətçilik prinsipləri və suverenlik anlayışının dərk olunmasını təmin etmək, eyni zamanda onların yazı bacarıqlarını inkişaf etdirmək olub. Müxtəlif ixtisaslar üzrə iştirak edən tələbələr bilik və yaradıcılıqlarını nümayiş etdirərək mövzuya fərqli yanaşmalar sərgiləyiblər.
III Təhsil Menecerləri Forumu keçirilib.
Dekabrın 20-də Azərbaycan Dövlət İqtisad Universiteti və Hədəf Şirkətlər Qrupunun təşkilatçılığı ilə Bakıda III Təhsil Menecerləri Forumu keçirilib.
Formda ADPU-nun Ağcabədi filialının əməkdaşları və tələbələri də iştirak ediblər.
Qeyd edək ki, forum çərçivəsində Təhsil Texnologiyaları Sərgisi də təşkil edilib. Sərgi təhsil sahəsində çalışan mütəxəssislərə ən müasir texnoloji yenilikləri bir arada görmək, təcrübədən keçirmək və innovativ həllərlə tanış olmaq imkanı yaradıb. Yeni nəsil interaktiv tədris texnologiyaları, rəqəmsal təhsil və LMS platformaları,İKT əsaslı idarəetmə və monitorinq sistemləri, məktəblər üçün innovativ proqram və tətbiqlər, robotika, STEAM və VR/AR təhsil mühitləri, smart cihazlar, ölçüləbilən tədris alətləri izləyicilərə təqdim olunub. “Təhsilin gələcəyi ilə tanış olun” devizi ilə açılan sərgi təhsil liderləri üçün texnologiya ilə daha yaxından tanış olmaq, müasir həllər seçmək və yeni əməkdaşlıqlar qurmaq üçün yaxşı fürsətlərdən biri kimi dəyərəndirilir.
Dördüncü Təhsil Menecerləri Forumu 2026-cı ildə keçiriləcək.
“Rəqəmsal dünya və biz” adlı intellektual yarış keçirilib.
18.12.2025-ci il tarixdə ADPU-nun Ağcabədi filialında AMEA-nın 80 illik yubileyi münasibətilə “Rəqəmsal dünya və biz” adlı intellektual yarış keçirilib.
