17 mart 2025-ci il tarixdə Ağcabədi şəhər Heydər Əliyev meydanında keçirilən Ümumrayon tədbirində RİH başçısı Rafil Hüseynov, hüquq mühafizə orqanlarının rəhbərləri, şəhid ailələri, müharibə iştirakçıları, idarə, təşkilat və müəssisələrin kollektivləri, ziyalılar, rayon ictimaiyyətinin nümayəndələri iştirak edib.
Əvvəlcə bayram tonqalı alovlandırıldıqdan sonra tədbir iştirakçıları bayram münasibətilə təşkil edilmiş əl işləri və xalq sənətkarlığı nümunələrindən ibarət sərgi ilə tanış olublar.
Ağcabədi Rayon İcra Hakimiyyətinin başçısı cənab Rafil Hüseynov Ağcabədililəri bayram münasibətilə təbrik edərək, onlara can sağlığı, ruzi-bərəkət və firəvanlıq arzulayıb. Sonra Dədə Qorqudla Bahar qızı şənlik iştirakçılarına xoş arzularını çatdırıb, elimizə, obamıza sülh, əmin-amanlıq diləyiblər.
Sonra rayon idmançıları nümunəvi çıxışlar nümayiş etdiriblər.
Bayram tədbiri şən və rəngarəng konsert proqramı ilə davam etmişdir
26.02.2025-ci il tarixdə ADPU-nun Ağcabədi filialında Xocalı soyqırımının 33-cü il dönümünə həsr olunmuş “Xocalı-faciədən doğan intiqam” mövzusunda anım tədbiri keçirilib.
