Author: admin

08.04.2024-cü il tarixdə ADPU-nun Ağcabədi filialında  müəllimlərin “Moodle” platformasından istifadə etmək bacarıqlarının təkmilləşdirilməsi, elektron öyrənmənin keyfiyyətinin artırılması məqsədilə “Moodle platformasından istifadə bacarıqlarının inkişafı” adlı təlim keçirilib.

Təlimdə filialın  professor-müəllim heyəti və tələbələr yaxından iştirak etmişdir.

23 aprel 2024-cü il tarixdə ADPU-nun Ağcabədi filialında filialın Gənc Tədqiqatçılar Şurasının toplantısı keçirilib.

Toplantıda Şura üzvləri ilə yanaşı Ağcabədi Peşə məktəbinin direktoru Fərrux Rəhimli də iştirak edirdi. İşgüzar əməkdaşlıq şəraitində keçən görüşdə elmin müxtəlif sahələrinə dair layihəyönümlü tədqiqatların həyata keçirilməsi ilə bağlı fikir mübadiləsi aparıldı. 

22.04.2024-cü il tarixdə ADPU-nun Ağcabədi filialında “Riyaziyyat, informatika və onların tədrisi texnologiyası” kafedrasının müdiri, dosent Zeynalov Sahib Adıgözəl oğlunun “Kristal üçün Şredinger tənliyi” mövzusunda elmi-innovativ xarakterli seminarı keçirilib.

ADPU-nun Ağcabədi filialının “Təhsildə sosial-psixoloji xidmət” ixtisasının lll tədris ilinin tələbələri Ağcabədi şəhər 2 saylı körpələr evi-uşaq bağçasında seminar dərslərinə hazırlıq məqsədi ilə bağça yaşlı uşaqların psixoloji qiymətləndirilməsi istiqamətində işlər həyata keçiriblər

29 mart 2024-cü il tarixdə ADPU-nun Ağcabədi filialında əməkdaşların Azərbaycan Dövlət Pedaqoji Universitetinin rəhbər nümayəndələri ilə görüşü keçirildi. Görüşdə Azərbaycan Dövlət Pedaqoji Universitetinin Tədris işləri üzrə prorektoru dosent Eldar Aslanov, Ümumi işlər üzrə prorektor dosent Tural Cəlilov və Azərbaycan Dövlət Pedaqoji Universiteti rektorunun müşaviri Ümid Mehdiyev iştirak edirdilər.

Filialın direktoru, dosent Mobil Məcidov qonaqları salamladıqdan sonra sözü Tədris işləri üzrə prorektor dosent Eldar Aslanova verdi.

Filial əməkdaşları ilə görüşdən məmnunluq ifadə edən Eldar Aslanov Azərbaycan Dövlət Pedaqoji Universitetinin yaranma tarixi, Azərbaycan Respublikası Elm və Təhsil naziri cənab Emin Əmrullayevin müvafiq əmrinə əsasən 2022-ci ildə 100 illik yubiley tədbirinin böyük coşğu ilə keçirilməsindən danışdı. Qeyd etdi ki, Azərbaycan Respublikası Elm və Təhsil naziri cənab Emin Əmrullayevin müvafiq əmrinə əsasən bir qrup əməkdaş “Azərbaycan Respublikası Qabaqcıl təhsil işçisi” döş nişanı ilə,“Fəxri Fərman”la və “Yubiley medalı” ilə təltif olunmuşlar ki, onların sıralarında ADPU-nun Ağcabədi filialının əməkdaşları da vardır.

Sərəncama görə filial əməkdaşlarından dos. Ələsgərov Baxış İslam oğlu və dos. Zeynalov Sahib Adıgözəl oğlu “Azərbaycan Respublikası Qabaqcıl təhsil işçisi” döş nişanı ilə; dos. Süleymanov Seymur Elman oğlu “Fəxri Fərman”la, dos. Səlimov Mahir Məhəmmədəli oğlu, dos. Hümmətov Əliqulu Mədət oğlu, dos. Allahverdiyev Vaqif Saleh oğlu, dos. Səmədov Yaqub Abbasqulu oğlu, t.ü.f.d., baş müəllim Nəcəfov Əlizadə Şəmil oğlu və p.ü.f.d., baş müəllim Kərimli Tahir Mehdixan oğlu isə “Yubiley medalı” ilə təltif olundular.

Sonda qonaqlarla xatirə şəkli çəkildi.

18 mart 2024-cü il tarixdə Novruz bayramı münasibətilə Ağcabədi  şəhəri Heydər Əliyev meydanında keçirilən ümumrayon tədbirində ADPU-nun Ağcabədi filialının tərbiyə işləri üzrə direktor müavini dosent Mahir Səlimov Azərbaycan Respublikasının Prezidenti cənab İlham Əliyevin müvafiq Sərəncamı ilə dövlət idarəçiliyində, dövlət qulluğunda və ictimai-siyasi sahədə səmərəli fəaliyyəti nəzərə alınaraq “Heydər Əliyevin 100 illiyi (1923-2023)” yubiley medalı ilə təltif edilib.