Azərbaycan Dövlət Pedaqoji Universitetinin Ağcabədi filialı və MHM Tədris Mərkəzinin birgə təşkilatçılığı ilə universitetin III və IV tədris ilində təhsil alan tələbələri ilə görüş keçiriləcəkdir.
Görüşün keçirilməsində əsas məqsəd gələcək müəllimlərin peşəkar inkişafına dəstək olmaq, müəllim hazırlığı prosesi, müəllimlərin işə qəbulu mərhələləri, imtahanlara hazırlıq strategiyaları və bu sahədə mövcud imkanlar barədə tələbələrə ətraflı məlumat verməkdir.
Eyni zamanda görüş çərçivəsində MHM Tədris Mərkəzinin fəaliyyəti, tədris proqramı və müəllim olmaq istəyən gənclər üçün təqdim etdiyi imkanlar haqqında təqdimat keçiriləcəkdir.
Görüş zamanı tələbələr öz suallarını ünvanlandırmaq, müəllim hazırlığı və karyera inkişafı ilə bağlı vacib məqamlar haqqında ətraflı məlumat əldə etmək imkanı qazanacaqlar.
Tələbələrin görüşdə iştirakı tövsiyə olunur.
